Backend dasturchi

Umumiy maʼlumot

Back-end dasturchisi veb-loyiha server qismi uchun dasturlar yaratadi va u sayt yoki veb-ilova oʻz vazifasini toʻgʻri bajarishini taʼminlaydigan IT mutaxassisi hisoblanadi. Uning asosiy vazifasi server kodlari va APIʼlarni yozish, maʼlumotlar bazasi bilan ishlash va kutubxonalar yaratishdan iborat. U asosan “orqa front”da ishlaydi, shuning uchun uning ishi tez koʻzga tashlanmaydi. Har qanday back-end dasturchi Python, Java va PHP kabi dasturlash tillarini bilishi kerak. Ushbu soha vakillaridan mantiqiy xulosalarga asoslanib fikrlash, loyihalarni muhokama qilishda tashabbus koʻrsatish, oʻz ishlarini rejalashtirish qobiliyati kabi shaxsiy koʻnikmalar talab etiladi. Bu kasbni egallamoqchi boʻlgan inson veb-ishlab chiqish texnologiyalariga qiziqishi va shu sohada tajriba yoki maʼlumotga ega boʻlishi kerak. Back-end dasturlash qiziqarli va tez rivojlanayotgan professional sohadir. Bu yoʻnalishni nafaqat tanlash, balki yaxshi koʻrish uchun bir qancha sabab bor. Odamlar veb-saytlarga muhtoj ekan, ishlab chiquvchilar ham doimo kerak boʻladi.

• PHP, Python, Ruby, Java, Perl, Node JS kabi server tillari va Symfony, Codeigniter, Yii, Zend
• Framework, Kohana kabi freymvorklarni mukammal bilish
  
• HTML, CSS va JavaScript kabi interfeysli veb-texnologiyalarni bilish
  
• Xavfsizlik standartlarini mukammal bilish
  
• Git kabi versiya nazorati tizimlarida ishlash tajribasi
  
• Texnik hujjatlarni tushunish darajasida ingliz tilini bilish

• Tahliliy fikrlash
  
• Tuzilmaviy fikrlash
  
• Detallarga eʼtiborlilik
  
• Texnikadan foydalana olish
  
• Boy tasavvur
  

Qayerda ishlash mumkin ?

• Dasturiy taʼminot ishlab chiqaruvchi kompaniyalar
  
• Texnologik kompaniyalar
  
• Frilans

Foydali havolalar