Neyrojarroh

Umumiy maʼlumot

Neyroxirurg — asab tizimi, miya, orqa miya va nerv bilan bogʻliq kasallikni jarrohlik yoʻli bilan davolovchi mutaxassis. Ular miyadagi shishni olib tashlash, orqa miya ochiq hamda yopiq jarohatini tuzatish, orqa miya epilepsiyasi va boshqa miya bilan bogʻliq xastalikni davolash uchun murakkab operatsiyani amalga oshiradi. Neyroxirurg nevrolog, rentgenolog va onkologlar kabi boshqa soha mutaxassislari bilan bemorlarni tashxislash va davolash rejasini ishlab chiqarish uchun keng qamrovli hamkorlik qiladi. Shu sababli muloqotga kirishuvchan, kuchli empatiyaga ega, vaqtni toʻgʻri taqsimlovchi hamda tafsilotga diqqatli neyroxirurglar tezda muvaffaqiyatga erishadi. Bu kasbni egallash uchun tibbiyotning ushbu sohasi boʻyicha oliy maʼlumot, anatomiya, fiziologiya, farmakologiya hamda nevrologiya, xususan, mikroxirurgiya usullari boʻyicha bilim talab etiladi. Malakali neyrojarroh xususiy hamda davlat tibbiyot muassasalari, ilmiy tadqiqot institutlarida ishlash imkoniyatiga ega boʻlib, ularga yuqori ish haqi toʻlanadi. Bugungi kunda texnologiya rivojlanishi va uning inson miyasiga salbiy taʼsiri sababli ushbu kasb vakillariga talab oshib bormoqda.

• Sohadagi oliy ma’lumot;
  
• Anatomiya, fiziologiya, farmakologiya va nevrologiya haqida bilim;
  
• Mikrojarrohlik usullari bo‘yicha ko’nikma;
  
• Turli nevrologik kasallik uchun davo chorasi va dori-darmon haqida tushuncha.

• Muloqotga kirishuvchanlik;
  
• Tafsilotga diqqat qilish;
  
• Bemorlarga hamdardlik;
  
• Kuchli yetakchilik va qaror qabul qilish qobiliyati;
  
• Vaqtni to‘g‘ri taqsimlash.

• Asab tizimiga ta’sir qiluvchi kasallikni davolash;
  
• Murakkab operatsiyani oʻtkazish;
  
• Bemorlarni parvarish qilish, jumladan, jarrohlik rejasini ishlab chiqish;
  
• Dori-darmon buyurish va dardmandlar rivojini kuzatish;
  
• Tadqiqot o‘tkazish, tibbiyot talaba va rezidentlarini o’qitish.
  

Qayerda ishlash mumkin ?

• Shifoxona;
  
• Xususiy klinika;
  
• Tez tibbiy yordam xizmati;
  
• Reabilitatsiya markazlari.
  

Foydali havolalar