Ssenariy muallifi

Umumiy maʼlumot

Ssenariy muallifi — animatsion rolik, kino, spektakl, kompyuter oʻyinlari, tijorat, shou va televizion dasturlarning gʻoyaviy asoslarini yaratuvchi insondir. U syujet, qahramonlarning xarakterlari, keyingi koʻrinishlar uchun mos shaklda dialoglar ustida ishlaydi. Ular yozadigan ishlarning oʻziga xos xususiyati asarlarni oʻqish uchun emas, balki namoyish qilish uchun yaratishdir. Ssenariyni aktyorlarning feʼl-atvori va replikalaridan shakllantiriladigan tarzda ishlab chiqish kerak. Shuningdek, qahramonlarning tashqi qiyofasi va belgilarini batafsil tasvirlash ham muhim sanaladi. 

• Ssenariy yozishning asoslarini bilish;
  
• Chet tillarini bilish;
  
• Kompyuterda ishlash qobiliyatlari;
  
• Madaniyat va sanʼat mutaxassisligi boʻyicha oliy maʼlumot yoki mahorat darslari sertifikatlari.

• Ijodkorlik;
  
• Badiiy did;
  
• Qiziquvchanlik;
  
• Jamoada ishlash qobiliyati;
  
• Hayot davomida oʻrganish imkoniyati;
  
• Sabr.

Spektakl va filmlar ssenariylarini yaratgan mualliflar, yaʼni dramaturglar aslida aktyorlar tomonidan ijro etiladigan yuzlab obrazlar va taqdirlarning ijodkori. Oʻz kasbining haqiqiy ustasi dramatik sanʼatning barcha qonunlarini, shuningdek, kinoning vizualligini hisobga olgan holda qiziqarli tarzda ssenariy yozishi kerak. Bundan tashqari, tomoshabinlar uzoq vaqt eslab qoladigan mualliflik asarini yaratish juda muhimdir. Yaxshi ssenariy muallifi tirishqoq va mehnatkash, ehtiyotkor va bilimdon, shuningdek, oʻz qobiliyatiga ishongan boʻlishi kerak. Kelajakda tomoshabinga ochib beradigan dunyosi haqida oʻzi juda yaxshi bilishi lozim. Bu yerda koʻpincha hayot tajribasi muhim ahamiyat kasb etadi.

Qayerda ishlash mumkin ?

• Reklama agentligi;
  
• Kinostudiya;
  
• Teatr.
  

Foydali havolalar