Qishloq xoʻjaligida faoliyat olib boruvchi mutaxassislar tayyorlashga ixtisoslashgan Toshkent davlat agrar universiteti 1930-yilda Oʻrta Osiyo qishloq xoʻjaligi instituti nomi ostida tashkil etilgan.
Bugungi kunda universitetda 15 ta taʼlim yoʻnalishi mavjud boʻlib, 5 000 dan ortiq talaba tahsil olmoqda. Ularga 1 nafar akademik, 16 ta fan doktori, 16 ta professor hamda 200 dan ortiq professor-oʻqituvchilar taʼlim bermoqda. Oliygoh qoshida Toshkent davlat agrar universiteti akademik litseyi, muzey, 1 mlndan ortiq asarga ega boʻlgan ilmiy kutubxona, qishloq xoʻjaligi kadrlari malakasini oshirish va qayta tayyorlash markazlari mavjud. Universitet tashkil etilgandan beri 55 000 dan ortiq mutaxassis kadrlar tayyorlandi. Toshkent davlat agrar universiteti xorijiy mamalakatlarda joylashgan 37 ta oliy taʼlim muassasasi hamda 6 ta ilmiy tadqiqot instituti bilan hamkorlik shartnomasiga ega. Oliygoh Oʻrta Osiyo oliy taʼlim muassasalari reytingida 69-oʻrinni egallagan.