Qoʻqon davlat pedagogika instituti 1931-yilda kechki pedagogika instituti sifatida tashkil etilgan. Institutga 1943-yilda shoir Muqimiy nomi berilgan. Hozirda oliy taʼlim muassasining 40 ta taʼlim yoʻnalishida 15 000 dan ortiq talaba tahsil olmoqda. Ularga 517 nafar malakali professor-oʻqituvchilar, jumladan, 10 nafar fan doktori hamda 170 nafar fan nomzodi taʼlim bermoqda. Oliygoh oʻzining zamonaviy texnik bazasiga ega boʻlib, 269 ta oʻquv xonasi, 21 ta oʻquv laboratoriya xonasi, sport maydonlari, 70 000 dan ortiq kitob fondiga ega boʻlgan axborot-resurs markazi mavjud. Qoʻqon davlat pedagogika instituti qoʻshma taʼlim doirasida 4 ta xorijiy taʼlim muassasasi bilan hamkorlik shartnomasiga ega. Shartnomaga koʻra, talabalar Rossiyaning Boshqird davlat pedagogika universiteti, Belorussiyaning Grodno davlat universiteti va Qozon federal universitetida oʻqish imkoniyatiga ega.